နှလုံးသည်းခြေက
ပေါက်ဖွားလာတဲ့
အချစ်တစ်ခုကို
ကဗျာတစ်ပုဒ်အဖြစ်
နင် တန်ဖိုးထားကြည့်စမ်းပါ
စစ်မှန်တဲ့ချစ်ခြင်းတွေ
နင့် ရဲ့ရင်ထဲမှာ
ကိန်းဝပ်နေမယ်ဆိုရင်ပေါ့
ဘယ်လောက်မြတ်နိုးဖို့
ကောင်းတယ်ဆိုတာ နင် သိပါလိမ့်မယ်……
ကဗျာဆရာတစ်ယောက်မဖြစ်ချင်နေပါ
အနန္တအသင်္ချေ
တည်ရှိနေတဲ့စာသားတွေကို
ကဗျာတစ်ပုဒ်အဖြစ် ဖွဲ့နေရရင်
တမလွန်ဘ၀ကို ပျော်ရွှင်စွာနဲ့
သေပွဲဝင်ရပါစေကျေနပ်နိုင်ပါတယ်….
နင့် ရဲ့အချစ်တွေကို
ဒီကမ္ဘာပေါ်မှာ မပေးချင်ဆုံး
လူသားတစ်ယောက်အဖြစ်နဲ့
ငါဖြစ်နေပါစေဦး
အဲဒီအချစ်တွေကို
ကဗျာတစ်ပုဒ်အဖြစ်ဖွဲ့ပြီး
ငါမြတ်နိုးပါရစေ…..
ဒါဟာငါ့ရင်ထဲက
မွန်မြတ်သန့်စင်တဲ့
ကဗျာတစ်ပုဒ်ရဲ့သံစဉ်ပါပဲ……
No comments:
Post a Comment